Hanne Hukkelberg

Ikveld vil den hollandske nettkanalen fabchannel.com sende ein konsert med Hanne Hukkelberg. Konserten blir holdt på scena Paradiso i Amsterdam, og startar kl. 20.00 ikveld. Dersom du ikkje rekk å sjå den direkte, så vil konserten også bli arkivert på nettsidene til Fabchannel. Der finn du også gamle konsertar med artistar som Ane Brun, Sondre Lerche og Thomas Dybdahl.

Imorgon spelar Hanne på Handelsbeurs i Gent.
hanne.hukkelberg.net

Smågodt

Monomen jobbar stadig vekk med debutplata si, og gjev oss no eit liten peikepinn på kva vi kan vente oss. Dei har lagt ut ein gnistrande ny låt på dei midlertidige heimesidene sine. Albumet vil truleg heite Twilight Princess når det kjem. Det er berre å starte å gle seg.
07.09 - Oslo, John Dee (m/Stereo Total)
08.09 - Bergen, Garage (Phonofestivalen)
09.09 - Stavanger, Folken (Numusic Festival)
Monomen - Asian Spacestation
monomen.no

Hanne Hukkelberg gjev ut si andre plate Rykestrasse 68 komande måndag, og der vil du blant anna finne ein versjon av The Pixies sin song Break My Body (Surfer Rosa, 1988). På bloggen Aurgasm finn du eit liveopptak av denne låten med Hanne.
Hanne Hukkelberg - Break My Bones (live)
hanne.hukkelberg.net

The Wombats har lagt ut låtar frå alle fem EPane/singlane sine. Bandet slepp debutalbumet Girls, Boys and Marsupials i midten av september.
The Wombats - Derail and Crash
The Wombats - Little Miss Pipedream
thewombats.co.uk

Thomas Dybdahl har hoppa av CCAP-skuta og borda den litt større Universal-båten. Ikkje verst for ein kar som tidlegare har uttala at han hatar major-selskapa. Albumet Sacrifice blir iallefall utgjeve av storegutta 18.september, og dei er tilogmed så snille at du kan lytte til låta Always på nettsidene deira. Han planlegg ein større Noregsturné med avspark i Oslo 15. november, men før det vitjar han Frankrike, Belgia og Holland.
11.10 - Nantes, Salle Paul Fort
12.10 - Rennes, L’ubu
14.10 - Nancy, Le Hublot
16.10 - Paris, Theatre De L’Atelier
17.10 - Tourcoung, Le grand mix
20.10 - Montpellier, Victoire 2 (Saint Jean De Vedas)
23.10 - Brussel, Botanique
24.10 - Nijmegen, Podium
25.10 - Groningen, Vera
26.10 - Rotterdam, Rotown
27.10 - Amsterdam, Paradiso
15.11 - Oslo, Sentrum Scene
Thomas Dybdahl - Always (straum)
thomasdybdahl.com

Flunk vitja i mai studioet til den superbe Seattle-baserte radiostasjonen KEXP. Stasjonen har for vane å leggje ut konsertar og intervju med artistane sine på nett, og har også ein podcast med eksklusive opptrednar. No finn du også Flunk sitt sett frå mai, deriblant med ein finfin versjon av Depeche Mode sin låt See You (A Broken Frame, 1982)
Flunk - See You (Depeche Mode cover, live)
Flunk @ KEXP
flunkmusic.com

Nei, nei, nei! TNT vil sleppe ein ny versjon av 10.000 Lovers (In One) denne hausten, og det med hjelp frå Øyvind Sauvik (Vinni frå Paperboys). Som om ikkje originalen var gale nok.
rockofnorway.com

10 norske artistar vil spele på årets PopKomm-konferanse i slutten av september.
Cloroform, Animal Alpha, WE, Kaizers Orchestra, Bjørn Berge (”rockescena”), Marit Larsen, Adjagas, Thomas Dybdahl og Bermuda Triangle (”popscena”) spelar alle under banneret “Norwegian Night” på same arenaen 21.09, medan Einar Stenseng må klare seg aleine dagen etter. Karin Park spelar også på “Norwegian Nights”.
popkomm.de

Annie bidreg på Ercola sin ferske singel Follow Me. Du kan lytte til låten på nettsidene til plateselskapet Eyezcream.com
anniemusic.co.uk

Madrugada har svevd høgt det siste året, men eg kom nyleg over eit lite gullkorn frå litt tilbake i karriera deira. Musikkvideoen til Ready blir sjeldan vist på TV (har den nokon gong?), men er ein morosamt snutt frå ein del år tilbake. “Regi” er ved Thomas Hilland.
Madrugada - Ready (video) (23 mb)
madrugada.net

Det nye albumet til Ralph Myerz & The Jack Herren Band får tittelen Sharp knives & Loaded Guns når det kjem i butikken 25. september. I dei påfølgande månadane skal bandet ut på ein stor Noregsturné. Forøvrig blir songen Deepest Red å finne på lydsporet til FIFA-07-spelet.
16.09 - Bergen, LAX-festivalen
11.10 - Kongsberg, Energimølla
12.10 - Brattvåg, Ingebrigt Davik-huset
13.10 - Trondheim, Studentersamfunnet
14.10 - Tromsø, Insomnia Festival
20.10 - Bodø, Studentersamfunnet
21.10 - Meløy, Ørnes Hotell
25.10 - Lillehammer, Bingo’n
26.10 - Sandnes Kulturhus
27.10 - Ås, Aud Max
28.10 - Horten, Lace
01.11 - Drammen, Union
02.11 - Gjøvik, Huset
03.11 - Notodden, Stua
09.11 - Lillestrøm, Martin’s
10.11 - Stavangerm Folken
11.11 - Haugesund, Byscenen
15.11 - Kristiansand, Østsia
16.11 - Grimstad, Luftslottet
17.11 - Husnes, Vift
18.11 - Oslo, Sentrum Scene
24.11 - Bergen, Hulen
ralphmyerz.net

Selskapet Sublife har lagt ut eit par smakebitar frå komande og nylege album. Under finn du eit kutt frå albumet til Harm, som kjem 11. september, og ein akustisk låt henta frå Green Carnation si siste plate Acoustic Verses. Sjekk nettsidene for fleire låtar og videoar.
Harm - Devil
Green Carnation - The Burden is Mine… Alone (akustisk)
sublifeproductions.com

Voices at Play er eit canadisk hyllestband til Kings of Convenience. På Purevolume.com har dei lagt ut fire av sine tolkingar av låtar frå Riot on an Empty Street. Sjarmerande greier.
Voices at Play (Kings of Convenience-tribute @ Purevolume
kingsofconvenience.com

Rundtur i bloggosfæren

For the Eardrums skriv ein post angåande 120 Days si utgjeving av vinylsingelen Come out (come out, fade out, be gone). Du finn også link til nedlasting av songen via plateselskapet Vice.
[lenkje]

Arjanwrites ser nærare på Kate Havnevik når ho no slepp Melankton i resten av Europa 19. september. (25. sept i UK).
[lenkje]

Aurgasm har for tida to norske artiklar. Først ut får du to kutt frå Anja Garbarek si siste plate saman med ein liten profil.
[lenkje]

Dei ser også nærare på Ane Brun, og også her får du to spor frå A Temporary Dive. Plata har vore ute i England og USA i heile somar, og i september er det Australia sin tur.
[lenkje]

Fleire har også fått med seg Moldejenta sine to siste plater. På My Old Kentucky Blog kan du lese meir godord om Ane Brun, og der er to andre lydkutt også.
[lenkje]

Bloggen Mainstream Isn’t So Bad… Is It? har laga ein nordisk samlepost, der du blant anna finn musikk av Ane Brun og a-ha
[lenkje]

Feed Me Good Tunes gjev oss ein retrospektiv gjennomgang av Lindström & Prins Thomas sine karrierer. Her finn du heile 6 kutt (deira eigne og remixar) og ein lang og bra artikkel.
[lenkje]

Britisk-norske The Wombats har eg skreve om eit par gongar her. Også Indie MP3 har no ein post om denne gjengen. Knallsingelen Lost in the Post kom ut som 7″ for ein månad sidan, og du finn både den og b-sida her.
[lenkje]

Same bloggen tek også tak i Ragnhild Hogstad Jordahl (aka Soda Fountain Rag). Ho lagar naiv indiepop, og vart nyleg Ukas Urørt på NRK. Fell musikken i smak, kan du bytte til deg eit eksemplar av debutplata hennar for ein pakke bamsemums eller eit gamalt Donald-pocket (jepp, seriøst).
[lenkje]
Soda Fountain Rag på Urørt
Soda Fountain Rag - The Year I’m 17

The Oh So Quiet Show gjev ein liten stemningsrapport frå nok ein spesiell Kings of Convenience-konsert, denne gongen i Russland.
[lenkje]

A Lovestory av Thomas Dybdahl var dagens låt på nettstaden til amerikanske NPR (National Public Radio). Du får også lytte til låten der.
[lenkje]

Undomondo har ein jazzpost, der dei blant anna profilerar Hanne Hukkelberg. Du kan lytte til to spor frå den forrige plata hennar. Hanne er forøvring snart klar med si andre plate Rykestrasse 68, og den vil kome i handelen 4. september. Første singelen, A Cheater’s Armoury har vore ute i somar, og du kan også sjå videoen til denne via produsent Andreas Paleologos sine nettsider.
[lenkje til Undomondo]
Hanne Hukkelberg - A Cheater’s Game (video)

I Guess I’m Floating har også ein lengre post om Hanne Hukkelberg, der du kan lese meir om det komande albumet hennar.
[lenkje]

Snow-Globe Universe tipsar meg om eit nytt bekjentskap i form av bandet The Catastrophes. Du får tre smakebitar frå dette bandet som etter ein spe start i London, no held til i Bergen. Liknar på ei blanding mellom Babyshambles og The Strokes med fine indiepopmelodiar.
[lenkje]

Sonic Corpse Glide tek for deg dei tyngre delane av musikkscena, og har laga ei sak om metallbandet Bloodthorn akkompagnert av to låtar frå plata Genocide.
[lenkje]

Poster Girl sin rundtur på nettet har gjort at ho har kome over det ferske bandet SuperJupiter. Lenkje til ein låt.
[lenkje]

Into the Groove har lytta nørare på Margaret Berger sin siste singel Samantha, og gjev deg også moglegheit til å høyre (laste). Låta er frå Pretty Scary Silver Fairy, som kjem seinare i haust.
[lenkje]

The Yellow Stereo skriv om The Whitest Boy Alive, og har også lagt ut eit par spor frå plata til bandet.
[lenkje]